På gutesida har Bjørnar og Årstad inngått eit samarbeid for G.16 klassen slik at klubbane stiller eit felles lag i Bringkvalifiseringa. Laget starta opp med fellestreningar i mai og har ambisjonar om å kvalifisere seg til sjølve Bringserien, ein nasjonal serie for dei beste G.16 laga i landet. På laurdag er det klart for kvalifisering i Bjørnarhallen, og her får ein tøff motstand frå Helset og Elverum. Sidan Årstad er partnarklubb i samarbeidet heiter laget Årstad på papiret, men på bana vil ein også kunne sjå Bjørnarspelarar, så vi oppmodar alle til å ta turen i Bjørnarhallen for å sjå aldersbestemt handball på høgt nivå.
