Markus Storegjerde (bilete) og resten av Bjørnar G.18 fekk ein god start på Sparserien med to sigre og eit tap i løpet av den første runden. I den første kampen tapte laget 30-27 mot Fyllingen, i ein kamp der ein diverre ikkje fekk ut potensialet i laget. Men i dei to neste kampane gjekk det langt betre, først slo laget Nøtterøy 32-23, før Bjørnar leverte ein kjempekamp og slo Bækkelaget 26-22. Bækkelaget er ein av førehandsfavorittane til å vinne Spar, og slo mellom anna Fyllingen 27-22. Derfor var dette ein flott prestasjon av Bjørnargutane som viste at dei i sine beste stunder kan slå dei fleste laga i Noreg. Lagleiar Pål Lothe er imponert over innsatsen i helga, og meiner det var ei klar stigning frå kvalifiseringsrunden: Alt i alt er eg nøgd med helga, sjølv om det var bittert å tape for Fyllingen. Spesielt var det imponerande å sjå 15 år gamle Tord Lund sitt målvaktsspel og Markus Storegjerde sin fantastiske skyting framover på bana.

Andreas Daviknes Borge har tatt store skritt som dommar dei siste sesongane og får stadig nye oppgåver på høgare nivå. I helga var han dommar under den nasjonale Bylagsturneringa, og etter imponerande dømming i dei innleiande kampane i lag med makker Charles Whiteley frå Os vart paret tildelt finalen i guteklassen. Finalen vart vist direkte på TV 2 utan at det unge dommarparet lot seg vippe av pinnen. Dei gjennomførte nok ein god kamp, og fekk i etterkant skryt frå fleire hald for innsatsen. Vi gratulerar Daviknes Borge med innsatsen og ynskjer han lukke til vidare med dommarkarriera! Sjå her kva Region Vest skriv om dommarparet.